Қазақстан Республикасы  Конституциясының 30 жылдық мерейтойына орай Шет аудандық музейінде  «Жастар ресурстық орталығы»  жастарының  қатысуымен    «Ата Заң айшықтаған  жаңа заман» атты тақырыптық  кеш өткізілді.

Мемлекеттік Әнұранмен салтанатты түрде ашылған кешке қатысушыларды Шет аудандық музейінің  басшысы, "Ақсу-Аюлы" БПҰ төрайымы Қамытбаева  Салтанат Дәртайқызы Конституция күнінің 30 жылдық мерекесімен құттықтады. Кеш  барысында жүргізуші  бүгінде Қазақстан жаңа даму кезеңіне қадам басуда екенін, Конституция қағидаттарына сүйене отырып, әділетті Қазақстан құру, заң үстемдігін қамтамасыз ету, азаматтардың құқығын қорғау - басты міндетке айналғаны жөнінде кеңінен айтып өтті.  Сонымен қатар  экраннан  "Ата заң -айбыным" атты Конституцияның ең маңызды  бірнеше баптарын көрсеткен слайд көрсетіліп, сұрақ- жауап өрбіп, қатысушылар  өз құқықтары көрсетілген көрнекіліктер арқылы ҚР Заңына сәйкес неге құқылы екендіктерін  айтып, өз ойларын ортаға салды. Сонымен бірге кеш қонақтары, Төтенше Жағдайлар  бөлімінен қызметкерлер қатысып,  баршаны мерекелерімен құттықтап, шараның маңызын аша түсті. Салтанатты шара соңында қатысушылар ҚР Мемлекеттік Әнұранын орындап, «Ата Заң айшықтаған  жаңа заман» атты көрменмен танысып, естелікке суретке  түсті.

• 
• 
• 
• 
• 
• 
• 
• 
• 
• 
• 
• 
• 
• 
• 
•